‘सत्तामा नभएपनि धादिङको समग्र बिकासमा मेरो साथ सदैव रहनेछ’ : निवर्तमान मुख्यमन्त्री जमकट्टेल

गजुरी । धादिङ निलकण्ठ नगरपालिका १२ को कभर्डहलमा दोस्रो धादिङ जिल्लास्तरीय तेक्वान्दो प्रतियोगिता कार्यक्रमको उद्वघाट्न गरिएको छ । बागमती प्रदेशका निवर्तमान मुख्यमन्त्री शालिकराम जमकट्टेलको प्रमुख आतिथ्यतामा प्रतियोगीताको उद्घाटन गरिएको हो ।

खेल क्षेत्रले हाम्रो स्वास्थ्य देखि मानसिक रुपमा पनि फाईदा हुने भन्दै खेल जगतलाई अगाडी बढाउन सबै लागी पर्नुपर्ने उहाँले बताउनुभएको छ । यो कभर्डहल बनाउन निकै धेरै मेहनत गर्नुपरेको समेत उहाँले सुनाउनुभयो । आर्थिम मामिलामन्त्री हुँदा देखि नै आफ्नो पहलमा यो कभर्डहल रहेको भन्दै उहाँले पछिल्ला दिनमा भएका कामले अहिले कभर्डहलले पूर्णता पाएको कुरा जानकारी गराउनुभयो । अहिले सरकारमा आएको अथलपुथलले सरकार प्रतिपक्ष भएर अहिले निवर्तमान मुख्यमन्त्री भएपनि धादिङको समग्र बिकासमा मेरो सहभागी पहिलेकै जसरी अगाडी बढ्छ उहाँले भन्नुभयो खेलकुदलाई अगाडी बढाउन मेरो सधैँ साथ रहनेछु ।
अहिले जिल्लामा खेलेर पछि अन्तराष्ट्रिय जगतसम्म पुग्न सफलताको कामनासहित शुभकामना दिनुभएको छ । अहिले बागमती प्रदेशमा खेलकुदका क्षेत्रमा निकै राम्रो प्रगति हासिल गरेको बताउनुभयो ।

यसैक्रममा धादिङ जिल्ला खेलकुद बिकास समितिका अध्यक्ष प्रताप सिंह तामाङले खेल जगतलाई अझै अगाडी बढाउन आफ्नो लगनशिलता सधैव रहने बताउनुभयो । उहाँले खेल जगतमा प्रवेश गरेका खेलाडीहरुलाई अभिभावकका रुपमा निवर्तमान मुख्यमन्त्री शालिकराम जमकट्टेलको साथ रहनेमा बिश्वास ब्यक्त गर्नुभयो ।