नक्कली भुटानी शरणार्थी प्रकरण- बेचन झा जेल चलान

जिल्ला अदालत काठमाडौंका न्यायाधीश तीर्थराज केसीको इजलासले उनलाई आज जेल पठाउने आदेश दिएको हो । उनीविरुद्ध संगठित अपराध, राज्यविरुद्धको अपराध, ठगी र लिखत कीर्ते मुद्दा दायर भएको थियो । चार दिन थुनछेक बहसपछि उनलाई थुनामा राख्ने आदेश भएको हो ।

प्रहरीका अनुसार तत्कालीन गृहमन्त्री बालकृष्ण खाण र सचिव टेकनारायण पाण्डेलाई ठगी गिरोहसँग झाले भेट गराइदिएर सम्बन्ध बनाएर काम गरेका थिए । हाल पुर्पक्षका लागि थुनामा रहेका पाण्डेले लिखित बयानमा यसबारे बोलेका थिए ।

कांग्रेसका उच्च नेताहरूसँग झाको निकटस्थ सम्बन्ध रहेको सूचना भए इन्कारी बयान दिएकाले प्रहरीले यसबारे थप अनुसन्धान गर्न सकेको छैन । उनले भुटानी शरणार्थीको विषयमा केही पनि थाहा नभएको दाबी गरिरहेका छन् ।