अनेरास्ववियू (क्रान्तिकारी) को २३ औँ राष्ट्रिय सम्मेलन आजदेखि

अनेरास्ववियू (क्रान्तिकारी) को २३ औँ राष्ट्रिय सम्मेलन आजदेखि त्रिभुवन विश्वविद्यालयको स्मृति हलमा हुँदै छ ।

सम्मेलनको सम्पूर्ण तयारी पूरा भएको र देशभरिबाट प्रतिनिधिहरू समेत काठमाडौँ आइसकेका छन् ।

आज दिउँसो १ बजे पार्टी अध्यक्ष अध्यक्ष पुष्पकमल दाहाल प्रचण्डले उद्घाटन गर्ने छन् । उद्घाटनपछि शुक्रबार बिहान ८ बजेदेखि शुरु हुने बन्दसत्रको कार्यक्रममा विधान तथा प्रतिवेदन पेस गर्ने कार्यतालिका छ ।

शुक्रबार विधान तथा प्रतिवेदनमाथि समूह विभाजन गरी छलफलका हुनेछ भने शनिबार बिहान ८ बजेदेखि विधान प्रतिवेदन उपर समूहहरूको छलफलको निष्कर्ष तथा रिपोर्टिङ हुनेछ । यस्तै आइतबार प्रतिनिधिहरूको नामावली निर्वाचन समितिले सार्वजनिक गर्नेछ ।

सोमबार बिहान ८ बजेदेखि निर्वाचनको कार्यक्रम सुरु हुनेछ । सम्मेलनमा देशभरबाट दुई हजार ३२३ जना प्रतिनिधि सहभागी हुनेछन् ।