नवजिवन सहकारीको वार्षिक साधारण सभाको अध्यक्ष श्रेष्ठले गरे उद्धघाटन

साविक पिण्डा गाविस कार्य क्षेत्र रहेको उक्त सहकारीले कृषि तथा पशुपालनको क्षेत्रमा लगानी गर्दै किसानहरुलाई आत्मानिर्भर र स्वरोजगार बनाउने खालको कार्यक्रमहरु संचालन गर्दै आएको छ ।

गजुरी गाउँपालिकाका अध्यक्ष गणेशलाल श्रेष्ठको प्रमुख आतिथ्यतामा सम्पन्न कार्यक्रममा गजुरी गाउँपालिका वडा नं. ४ का अध्यक्ष सुरेन्द्र प्रजा वडा नं. ५ का अध्यक्ष गोविन्द लामिछाने लगायत सामाजिक अगुवाहरुको आतियता रहेको थियो ।

साधारण सभाको उद्घाटन सभामा बोल्दै अध्यक्ष श्रेष्ठले सहकारीको माध्यमबाट स्थानिय स्तरमै स्वरोजगार बन्न सक्ने गरि हरेक किसान लाग्नु पर्ने बताउनु भयो । विपन्न परिवारहरुको आर्थिक अवस्था उकास्न सहकारीको भुमिका महत्वपूर्ण हुनेछ । गाउँमै केही गर्छु भन्नेलाई सहकारीले सहयोग गरि उद्यमशिल बनाउन गाउँपालिकाले पनि सहयोग गर्ने बताउनु भयो ।