गजुरी गाउँपालिका प्रमुख गणेशलाल श्रेष्ठद्वारा साना बालबालिकालाई न्यानो कपडा वितरण

गजुरी । गजुरी गाउँपालिका वडा नम्बर एक मा अबस्थित नमुना जीवन ज्योति बाल विकास केन्द्रमा अध्ययनरत बालबालिकाहरुलाई न्यानो लत्ताकपडा वितरण गरिएको छ ।

जाडोको समयमा साना बिद्यार्थीहरुलाई न्यानो प्रदान गर्नको लागी कपडा बितरण गरिएको गजुरी गाउँपालिका प्रमुख गणेशलाल श्रेष्ठले बताउनुभयो । न्यानो लत्ताकपडा वितरण गर्दै पालिका अध्यक्ष श्रेष्ठले गजुरी गाउँपालिका हरेक बिद्यालयमा यस्ता कार्यक्रम गर्न जरुरी रहेको र यसमा सदैव साथमै रहेको कुरा बताउनुभयो । बितरण कार्यक्रममा पालिका अध्यक्ष गणेशलाल श्रेष्ठ, उपाध्यक्ष शर्मिला बिशुराल, गजुरी गापा वडा नं १ का अध्यक्ष तारानाथ भण्डारी लगायतको उपस्थिती रहेको थियो ।