सिद्धलेक गाउँपालिका-४ मा रहेको मालिका आधारभूत बिद्यालयको पक्की भवन उद्घाटन

गजुरी । धादिङको सिद्धलेक गाउँपालिका वडा नम्बर ४ माथिल्लो भेडावारीमा रहेको मालिका आधारभूत बिद्यालयको पक्की भवन उद्घाटन गरिएको छ ।
पक्की भवनको उद्घाटन एक समारोहका बीच सिद्धलेक गाउँपालिका अध्यक्ष परशुराम खतिवडाले गर्नुभएको हो ।

सो विद्यालयमा रहेको जीर्ण भवनले गर्दा पठनपाठनमा समस्या भइरहेको थियो र उक्त भवनको उद्घाटनले गर्दा पठनपाठनमा सहजता हुने विश्वास अध्यक्ष खतिवडाले गर्नूभएको छ ।