हाइस र ट्रक ठोकिँदा घाइते हुनेको संख्या १६ पुग्यो, चालक प्रहरी नियन्त्रणमा

गजुरी । धादिङको आदमघाटमा हाइस र ट्रक ठोकिँदा घाइते हुनेको संख्या १६ पुगेको छ । घाइतेमध्ये तीनजनाको अवस्था गम्भीर रहेको छ। उनीहरूलाई उपचारका लागि काठमाडौंको ट्रमा सेन्टर रिफर गरिएको छ ।

पोखराबाट काठमाडौं आउँदै गरेको ग २ ख ६६६ नम्बरको हाइस र विपरित दिशाबाट आउँदै गरेको ना ६ ७१८ नम्बरको ट्रक धादिङको गल्छी गाउँपालिका( ४ स्थित आदमघाटमा ठोकिँदा उक्त दुर्घटना भएको हो । धादिङ प्रहरीका अनुसार बिहीबार दिउँसो साढे दुई बजेतिर दुर्घटना भएको हो ।