प्रेस सेन्टर धादिङको अध्यक्षमा नीर तामाङ निर्वाचित

गजुरी । नेकपा माओवादी केन्द्र निकट प्रेस सेन्टर धादिङको अध्यक्षमा नीर तामाङ निर्वाचित भएका छन् । चौथो सम्मेलनले तामाङको अध्यक्षतामा नयाँ कार्य समिति चयन गरेको हो ।

नयाँ कार्य समितिको महिला उपाध्यक्षमा दीपा लम्साल, खुल्ला उपाध्यक्षमा सन्दिप स्याम्चेन, सचिवमा विक्रम अधिकारी, खुल्ला सह–सचिवमा सन्तोष परियार, सामावेसी सह–सचिवमा प्रेम नेपाली, कोषाध्यक्षमा गजेन्द्र गुरुङ निर्वाचित भएका छन् । यसैगरी सदस्यहरुमा रचना श्रेष्ठ, रविना विक, दिनेश लाल श्रेष्ठ र सन्तोष सुवेदी निर्वाचित भएका छन् । प्रेस सेन्टरका निर्वतमान अध्यक्ष राजन अधिकारीको अध्यक्षतामा सम्पन्न भएको चौथो सम्मेलनमा प्रेस सेन्टर नेपालका केन्द्रिय अध्यक्ष बिष्णु प्रसाद सापकोटाको प्रमुख आतिथ्यता रहेको थियो ।

कार्यक्रममा माओवादी केन्द्र धादिङका ईन्चार्ज पुष्प विक्रम मल्ल,निर्वतमान मुख्यमन्त्री तथा केन्द्रिय सदस्य शालिकराम जम्मकट्टेल, केन्द्रिय सदस्य राम बहादुर भण्डारी,प्रदेश सह–सचिवमा बिजय बुर्लाकोटी, जिल्ला संयोजक मनराज भण्डारी, नीलकण्ठ नगरपालिकाका उपमेयर दिपक बिश्वकर्मा,नेपाल पत्रकार महासंघ धादिङ शाखाका सभापति सिताराम अधिकारी, लगायतको आतिथ्यता रहेको थियो ।

सम्मेलनको अवसर पारेर प्रेस सेन्टर धादिङले सेन्टरको तर्फबाट पत्रकार महासंघमा कोषाध्यक्ष पदमा निर्वाचित बद्री अधिकारी,जनप्रतिनिधिमा निर्वाचित रमेश प्रसाद आचार्य, रविज्वाला क्रियाशिल पत्रकारिता पुरस्कारबाट नारायण सिलवाललाई सम्मान तथा पुरस्कृत गरिएको छ ।